اسلام آباد۔ 17 ستمبر (اے پی پی)بُرزی ایوان ءِ چیردستی نیشنل پارلیمینٹیرین کانفرنس ءِ برجمداری (مروچی) چار شمبے ءَ کنونشن سینیٹر ءِ تہ بیت۔ کانفرنس ءِ تہ صدر پاکستان،سپیکر راجی اسمبلی،سینیٹ ءُُ راجی اسمبلی باسکانی ھوار کانود ساچ صوبائی اسمبلیانی نماھندگ تران کن انت۔کانفرنس ءِ ھوالہ چہ میڈہا ءِ نماھندگاں گوں گپ ءُُ تران کنان ءَ چیئرمین سینیٹ صادق سنجرانی ءَ گوشت کہ کانفرنس ءِ تہ زوربرتگیں کشمیر ءِ تہ جاڑی بھارتی اُردو ءُُ انسانی حقانی پادمالی ءِ سرا سرجمیں روژنی مان کنگ بیت۔پارلیمنٹرین کانفرنس چہ میاں اوستمانی براھندگی ءِ سرا پدر کنگ بیت کہ زوربرتگیں کشمیر ءِ واکیہ چہ کجام رنگ ءِ چشم پوشی سکیں ھطرہ ءِ سبب جوڈ بیت۔آہاں گوشت کہ زوربرتگیں کشمیر ءِ تہ بھارت ءِ ھالیگیں گاماں ءُُ اقوام متحدہ ءِ منگ نامہءِ ھلاپی انت۔ایشانی ملکی ءُُ میاں اوستمانی تبک ءِ سرا تشہیر کنگ بازالم انت۔ صادق سنجرانیءَ گوشت کہ کرفیو ءِ آسرءَ مزلومءِ کشمیریءَ را یکشلءَ وتی گسانی تہ بند کنگ بوتگ اودا ورگ ءِ چیز ءُُ درمان ھلاس بوتگ ات۔آہاں گوشت کہ کشمیر ءِ مردمانی دگنیا ءَ چہ رھوت کٹ بوتگ ہمہ کہ بھارتی زلماں چہ سرپدکنگ ءِ پوزیشن ءِ تہ ھم نیست انت۔ مقبوضہ کشمیر ءِ تہ زلم ءُُ زوراکی ءُُ لاقانونیت ءِ ماحول جوڈ بوتگ۔آہاں گوشت کہ پاکستان ءِ نیمگا چہ زوربرتگیں کشمیر ءِ استیں جاورھال ءَ را میاں اوستمانی براھندگی ءَ باور کنائینگ ءِ چکاریں کوشست کنگ بوھگ انت۔ چیئرمین سینیٹ محمد صادق سنجرانی ءَ گوشت کہ اگہ بھارتی جنونی عزائم ءِ دیما بند بندگ ءِ چیزے گام چست نہ کنگ بوتگ تو ایشی ءِ سکیں آسردیما کائینت۔آہاں گوشت کہ برجمیں پارلیمنٹیرین کانفرنس ءِ تہ میاں اوستمانی براھندگی ءَ را پدریں کلوھ دیگ بیت کہ زوربرتگیں کشمیر ءِ جیڈھ ءِ حل الم انت۔
