سندھ سالڈویسٹ مینجمنٹ بورڈ اتون غٹ تر افرادی، مالی و تکنیکی وسیلہ ارے، بنجائی وزیر بحری امور علی زیدی نا ٹویٹ

اسلام آباد۔ 17 ستمبر (اے پی پی) بنجائی وزیر بحری امور علی زیدی پارینے کہ اودے خوشی ءِ کہ یانزدہ سال آن پد سندھ حکومت ءِ ہم کراچی ٹی تینا زمواری تے پورو کننگ نا ہوش بسنے۔ داہیت ءِ او وزیر بلدیات سندھ ناصر شاہ نا کراچی سفائی مہم آ ٹویٹ کرسا پارے۔ وزارت بحری امور نا کنڈآن جاری کروک بیان نا رداٹ بنجائی وزیر نا پاننگ ئس کہ سندھ سالڈویسٹ مینجمنٹ بورڈ اتون غٹ تر افرادی، مالی و تکنیکی وسیلہ ارے، او دا گام گیج آ اوفتا منت وار ءِ۔ اوپارے کہ کراچی نا سفائی آن پد حیدر آباد، میر پور خاص، بدین، سکھر، لاڑکانہ، شکارپور، جیکب آباد، گھوٹکی و ایلو شار تا ہم سفائی ءِ کرفر۔اوپارے کہ دا غٹ ضلع غاک ہم ننا عظیم صوبہ نا بشخ ءُ، ولے ہموجاگہ نا حالیت آک ہم است ہسون حد اسسکان خراب ءُ، دعا ءِ کہ قسمت نم تون تفے و نم مہم اٹ سرسہب مریرے۔