اسلام آباد۔ 17 ستمبر (اے پی پی) وزیراعظم نا سلاہکار واپار عبدالرزاق داؤد پارینے کہ حکومت تکنیکی و مالی کمک ترسا پالیسی سازی نا کمک اٹ برآمدی مصنوعات آتا وڑوڑآ چکار کننگ ءِ، پاکستان اٹی جتا چاگڑدی و موسمی حالیت آتا سوب آن 20 وڑانا شاد تیار مریک۔ داخیال آتا درشانی ءِ او شاد تیار کروک و برآمد کنندگان آتا ڈل اسے تون گپ و تران کرسا کرے۔ اوڑدہی ٹی …
حکومت تکنیکی و مالی کمک فراوان کرسا پالیسی سازی نا کمک اٹ برآمدی مصنوعات آتاہروڑآ چکار کننگ ءِ، وزیراعظم نا سلاہکار واپار عبدالرزاق داؤد
گیشتریں ھال
اسلام آباد۔ 17 ستمبر (اے پی پی) وزیراعظم نا سلاہکار واپار عبدالرزاق داؤد پارینے کہ حکومت تکنیکی و مالی کمک ترسا پالیسی سازی نا کمک اٹ برآمدی مصنوعات آتا وڑوڑآ چکار کننگ ءِ، پاکستان اٹی جتا چاگڑدی و موسمی حالیت آتا سوب آن 20 وڑانا شاد تیار مریک۔ داخیال آتا درشانی ءِ او شاد تیار کروک و برآمد کنندگان آتا ڈل اسے تون گپ و تران کرسا کرے۔ اوڑدہی ٹی قومی اسمبلی نا باسک نفیسہ عنایت اللہ خان ہم ساڑی ئس۔ اوپارے کہ حکومت تکنیکی و مالی کمک فراوان کرسا پالیسی راہشونی نا کمک اٹ برآمدی مصنوعات آتا ہروڑآ چکار کننگ ءِ۔ اوپارے کہ شاد انا پوسکن آ وڑوڈول آتیان پیدوار نا دوئی کننگ و دا بشخ اٹی نجی کہول آن چاہنداری و آگاہی دوئی کننگ نا گرج ءِ۔ اوپارے کہ پوسکن آ وڑوڈول آتیان ہم گرنچ مرسا یورپی یونین تون اوار غٹ مارکیٹ آتا درکار آب آتے پورو کننگ مریک ہرا شاد انا برآمد اٹی کیہی گناودکی مریک۔ یوروپی یونین کون آ منڈی تیٹی برآمد آتے کن حکومت شاد انا برآمد کنندگان آتے تکنیکی و مالی کمک فراوان کیک۔
