بنجائی وزیر کانود و انصاف بیرسٹر فروغ نسیم نا کنڈآن وزیراعلیٰ سندھ مراد علی شاہ ءِ اوڑدہی کن ہچ ءُ کلہو اس مون تننگتنے، ترجمان وزارت کانود و انصاف

اسلام آباد۔ 17 ستمبر (اے پی پی) وزارت کانود و انصاف نا ترجمان پارینے کہ بنجائی وزیر کانود وانصاف بیرسٹر فروغ نسیم نا کنڈآن وزیراعلیٰ سندھ مراد علی شاہ ءِ اوڑدہی کن ہچ ءُ کلہو اس مون تننگتنے۔ سے شنبے نادے آ اسہ وضاحتی بیان اسے ٹی اوپارے کہ دا دعوی غلط بیانی آ مبنی ءِ کہ وزیرکانود وزیراعلیٰ تون اوڑدہی نا است خواہی نا درشانی ءِ کرے ہرادے او رد کرے۔ ترجمان مستی پارے کہ وزیر کانود اسہ جاگہ اس ہم وزیراعلیٰ سندھ اتون ملنگ نا درخواست کتنے۔