بلوچستان اٹی 100 ڈیم تفنگ نا ڈٹ آتیا اینخو نا مالی سال اٹی اسہ ارب روپئی خڑچ کننگک

اسلام آباد۔ 17 ستمبر (اے پی پی) بلوچستان اٹی 100 ڈیم تفنگ نا ڈٹ آتیا اینخو مالی سال اٹی اسہ ارب روپئی خڑچ کننگک۔ وزارت آبی وسیلہ نا ذرائع نا رداٹ صوبہ ٹی چنکا ڈیم تا تفنگ نا ڈٹ انا 2016ء ٹی ایکنک منظوری ءِ تسوسس و جم وڑاٹ 7 ارب 82 کروڑ 98 لکھ روپئی نا کساس خلنگاسس۔ اینخو نا سال 30 جون اسکان دا چرجوئی ٹی 91 کروڑ روپئی خڑچ کننگانے و سرکاری بشخ انا سالانہ شونداری پروگرام نا رداٹ اینخو نا مالی سال اکن اسہ ارب روپئی جتا کننگانے۔