وزیراعظم عمران خان نا اقوام متحدہ نا جنرل اسمبلی آن تران تاریخی مریک بنجائی وزیر امور کشمیر و گلگت بلتستان علی امین خان گنڈاپور

وزیراعظم عمران خان نا اقوام متحدہ نا جنرل اسمبلی آن تران تاریخی مریک
بنجائی وزیر امور کشمیر و گلگت بلتستان علی امین خان گنڈاپور
اسلام آباد۔ 17 ستمبر (اے پی پی) بنجائی وزیر امور کشمیر و گلگت بلتستان علی امین خان گنڈاپور پارینے کہ وزیراعظم عمران خان نا اقوام متحدہ نا جنرل اسمبلی آن تران تاریخی مریک، کشمیر نا ویل آ عمران خان تاریخ نا غٹ آن سوگو وکیل مرسا مون آ بریک، اودا ویل آ ہمیشہ واضح موقف تینا کرے۔ داخیال آتا درشانی ءِ او سے شنبے نادے آ جاری تینا بیان اٹی کرے۔ اوپارے کہ بھارت 27 فروری نا دے ءِ است آن دپ، امن نا ورندی امن ءِ وخت اس کہ جارحیت نا دروشم اٹ سزا تننگک۔ اوپارے کہ 5 اگست نا بھارتی گام گیج کشمیری تا نسل کشی نا مترادف ءِ۔ ہروئی مریک کہ مودی نا ہندوانتہاپسند و فاشٹ حکومت بھارتی سپریم کورٹ نا پرمان نامہ غا ہراحد اسکان عمل کیک۔ اونا پاننگ ئس کہ پاکستان نا متحرک سفارت کاری نا سوب بھارت آ زور اٹ ودکی مننگ ءِ۔ علی امین خان گنڈاپور پارے کہ کشمیری تتون انسانیت سوز بیدادی نا واقعہ غاتے ٹی خطرناک ودکی مننگ ءِ، کشمیر نا ویل آ پاکستان نا غٹ سنجیدہ سیاسی سرکڑدہ غاک یکجاءُ۔ اوپارے کہ نام نہاد آجوئی مارچ مولانا فضل الرحمان ءِ پاکستانی قوم انا مون آ بے نقاب کیک، باشعور پاکستانی الس مولانا فضل الرحمان ناجندی ایجنڈا ءِ بے سہب کینہ۔ اونا پاننگ ئس کہ پاکستان نا چناچنا کشمیری تتون تفوک ءِ و اوفتے حق خودارادیت ترفنگ کن ہروڑنا قربانی ایتنہ۔