سی پیک نا رداٹ 9 خصوصی صنعتی زون تا جوڑ کننگ آن پاکستان صنعتی پیدوار نا وت جوڑ مریک، کمامدار سی پیک اتھارٹی

اسلام آباد۔ 17 ستمبر (اے پی پی) چین پاکستان اقتصادی راہداری (سی پیک) ڈٹ انا رداٹ مچ آ ملک اٹی 9 خصوصی صنعتی زون تا جوڑ کننگ آن پاکستان صنعتی پیدوار نا وت جوڑ مریک۔ سی پیک اتھارٹی کمامدارآتارداٹ ملک انا ہرچار آ صوبہ، گلگت بلتستان، فاٹا و آزاد کشمیر اٹی 9 صنعتی زون جوڑ کننگ انگ ءِ، دا زون تا جوڑ کننگ آن ہندی صنعت آک شونداری ناپوسکن آ کسر آتیا ہِننگ تون اوار اوار اسہ معاشی وت اس جوڑ مرسا مون آ بریک ہراڑان ہندی خلقت کن روزگار نا پوسکن ءُ وارخواہی ودی مریک۔ صنعتی زون تا جوڑ کننگ آن صنعت کار آتے کن زرکاری نا بے شمار وارخواہی ودی مریک۔ چین نا صنعت پاکستانی صنعت کن خطرہ اس آخا بلکن آزموندہ مہارت و ہیل کننگ نا وارخواہی اتیک۔ چینی صنعت آتا پاکستان اٹی گدریفنگ آن پاکستان نا صنعتی بشخ سوگو مریک۔ چینی صنعت آتا پاکستان اٹی گدریفنگ آن بے روزگاری ءِ چٹفنگ، چندی بشخ آتے ٹی معلومداری تا تبادلہ و چاہنداری ٹی ودکی مریک۔