توانائی نا بشخ اٹی مون تروک چیلنج آتا مون ءِ توننگ المی ءِ، توانائی نا متبادل ذریعہ نا دوئی کننگ کن گام گیج کننگ انگ ءِ، عمر ایوب خان

اسلام آباد۔ 16ستمبر (اے پی پی) بنجائی وزیر بجلی پٹرولیم عمر ایوب خان پارینے کہ توانائی نا بشخ اٹی مون تروک چیلنج آتا مون ءِ توننگ المی ءِ۔ توانائی نا متبادل ذریعہ نا دوئی کننگ کن گام گیج کننگ انگ ءِ۔ دوشنبے نادے آ داڑے اسہ سیمینار اسے آن تران کرسا اوپارے کہ پی ٹی آئی میرٹ و شفافیت نا پالیسی آ روان ءِ، چیئرمین نیپرا نا کماشی ٹی نیپرا پین کاریم کیک۔ اوپارے کہ توانائی نا بشخ ءِ بھاز انگا چیلنج آک مون تروک ءُ، حکومت ءِ توانائی نا بشخ اٹی مون تروک چیلنج آتا مون ءِ توننگ المی ءِ، توانائی سیکٹر اٹی گچینی اتنگ کن گام گیج کننگ انگ ءِ۔ عمر ایوب خان پارے کہ 2030ء ٹی توانائی نا 70 درسد دوئی کننگ تینا وسیلہ غاتیان اولیت ءِ، صارف آتا غاو تا زوت ازالہ ءِ کننگ کن گچین نظام اس جوڑ کننگک، حکومت توانائی نا متبادل ذریعہ نا دوئی کننگ کن گام گیج کننگ ءِ و الس نا زند اٹی گچینی اتنگ کن کوشست کننگ ءِ۔ اوپارے کہ برآمد آتے ٹی ودکی کن توانائی نا پیدوار ءِ ودفوئی ءِ، سی پیک نئے بیرہ پاکستان بلکن ڈیہہ نا شونداری ٹی اہم ءُ کڑد اس ادا کیک بلکن کشت وکشار و تکنیکی بشخ آتے ٹی گچینی بریک۔ اوپارے کہ پوسکن آ ٹیکنالوجی نا کاریم اٹ اتنگ آن شونداری نا رفتار اٹی ترندی بریک، پوسکن آ ٹیکنالوجی آن توانائی نا پیدواری خڑچ اٹی کمتی اتنگ مریک، ٹرانسمیشن لین تیٹی گچینی آن بجلی نا زیان ءِ توننگ مریک۔