بنجائی وزیر مذہبی امور پیر نور الحق قادری نا کعبہ ءِ بے شولنگ نا دود اٹی بشخ ہلک

مکتہ المکرمہ۔ 16ستمبر (اے پی پی) بنجائی وزیر مذہبی امور پیر نور الحق قادری کعبہ ءِ بے شولنگ نا دود اٹی بشخ ہلک۔ داوخت آ او خانہ کعبہ ٹی نفل خوانا و پاکستان نا سلامتی و شونہالی و مقبوضہ کشمیر نا الس کن دعا کرے۔ وزارت مذہبی امور نا ترجمان نا رداٹ پاکستان نا کنڈآن وزیر مذہبی امور پیر نور الحق قادری کعبہ ءِ بے شولنگ نا دود اٹی بشخ ہلک۔ کعبہ ءِ بے شولنگ نا رسم ءِ گورنر مکہ شہزادہ خالد الفیصل ادا کرے۔ دود اٹی نائب گورنر شہزادہ بدربن سلطان، مسجد الحرام و مسجد نبوی نا سروک شیخ ڈاکٹر عبدالرحمان السدیس، سعودی عرب اٹی متعین اسلامی ملک آتا سفارتکار آک، پنی آ عالم دین، وزیر آک، کلید برادران کعبہ و ہندی شاریک بشخ ہلکر۔ بنجائی وزیر مذہبی امور نور الحق قادری گورنر مکہ و ایلو فتے تون اوار خانہ کعبہ نا تہہ ٹی ہنسا عرق گلاب و آب زم زم اٹ غسل تسر۔ داوخت آ وزیر مذہبی امور نفل خوانا و مقبوضہ کشمیر نا آجوئی، پاکستان نا سلامتی و شونہالی کن اللہ رب العزت نا حضور خصوصی دعا کرے۔