حج انا فرض ءِ ادا کننگ آن پد اسہ لکھ99ہزار624 حاجی وطن آ پدی سرمسر، وزارت مذہبی امور

اسلام آباد۔ 16ستمبر (اے پی پی) حج انا فرض ءِ اداکننگ آن پد سرکاری و پرائیویٹ اسکیم تا جم وڑاٹ اسہ لکھ 99ہزار624 حاجی وطن آ پدی سرمسنو۔ وزارت مذہبی امور نا رداٹ اینخو نا سال سرکاری اسکیم نا رداٹ اسہ لکھ22ہزار 975وخت اس کہ پرائیویٹ اسکیم نا رداٹ 76ہزار 649پاکستانی حج کرینو۔حج آن مست و پد جم وڑاٹ 96پاکستانی دنیا ءِ الانو، دافتیان 67بندغ سرکاری و 29 بندغ نا تعلق پرائیویٹ اسکیم آن ءِ۔ حج آپریشن اٹی پی آئی اے، سعودی ایئر لائن و ایئر بلیو ئسک بشخ ہلکر۔ حج آن پد فلائٹ آپریشن اسہ تُو اسکان برجاسلیس۔ جم وڑاٹ اسہ لکھ 99 ہزار 624پاکستانی حاجی تا وطن آ پدی بننگ آن پد حج آپریشن ءِ پورو کننگانے۔