پاکستان نا شونداری و شونہالی کن خاہوتی ڈٹ بندی نا آسراتی اسکان رسینگ اٹ گچینی و آبادی ٹی بریبر ودکی بے کچ المی ءِ، خصوصی کمکار ڈاکٹر ثانیہ نشتر

اسلام آباد۔ 16ستمبر (اے پی پی) وزیراعظم نا خصوصی کمکار راجی رکھ و تخفیف غربت و بے نظیر انکم سپورٹ پروگرام (بی آئی ایس پی) نا چیئرپرسن ڈاکٹر ثانیہ نشتر پارینے کہ پاکستان نا شونداری و شونہالی کن خاہوتی ڈٹ بندی نا آسراتی اسکان رسینگ اٹ گچینی و آبادی ٹی بریبر ودکی بے کچ المی ءِ، داآزمائشی پروگرام بی آئی ایس پی آن فائدہ ہرفوک آ زالبول آتا خاہوتی ڈٹ بندی نا آسراتی اسکان رسینگ اٹ گچینی کن بناکروک آ اسہ پوسکن ءُ ماڈل اسے ہراکہ ضلع رحیم یار خان اٹی بے نظیر انکم سپورٹ پروگرام، پاپولیشن کونسل و پنجاب پاپولیشن انوویشن فنڈ(پی پی آئی ایف) نا اسیجا کوشست آتیان نافذ العمل مریک۔ داخیال آتا درشانی ءِ او پدسلوک آ تپہ نا زالبول آتا خاہوتی ڈٹ بندی نا آسراتی اسکان رسینگ اٹ گچینی کن پوسکن آ ماڈل نا دود انا رونمائی آن تران کرسا کرے۔ دود اٹی بشخ ہلوک آتیان تران کرسا ڈاکٹر ثانیہ نشتر آبادی ٹی سوگو ودکی و نیزگاری نا چٹفنگ کن غٹ برامی آ جوڑی تا خاہوتی ڈٹ بندی نا آسراتی اسکان رسینگ ءِ ممکن کننگ نا حکومتی عزم انا اعادہ ءِ کرے و داآزمائشی پروگرام نا کمک اٹ پسماندہ تپہ نا زالبول و اوفتا چناتا جان جوڑی ٹی گچینی نا اومیت ظاہر کرے۔ اوپارے کہ احساس پروگرام آن فائدہ ہرفوک آ بندغ آتا خاہوتی ڈٹ بندی نا آب و اڑزان آسراتی اسکان رسینگ اٹ گچینی نا اہمیت آن آگاہ ءِ ہراڑان راج انا نیزگار و پسماندہ تپہ غاتا راجی آسراتی کن حکومتی کوشست آتا سنجیدگی نا کساس ءِ خلنگ مریک۔ پاکستان اٹی تولیدی وئی نا زالبول آتے کن تولیدی جان جوڑی نا آسراتی تا حوالہ ءِ ترسا پاپولیشن کونسل نا کنٹری ڈائریکٹر ڈاکٹر زیبا ستار نا پاننگ ئس کہ پاکستان اٹی مانعِ حم وڑوڈول آتا پورو مفروک آ گرج آتا غٹ آن زیات کچ کم کٹیا کروک زالبول آتے ٹی مریک۔ ڈاکٹر زیبا ستار مستی پارے کہ زالبول آتے تینا مرضی نا رداٹ چنا ودی کننگ یا کپننگ و چناتا وقفہ اختیار کننگ کن نئے بیرہ خاہوتی ڈٹ بندی نا آسراتی بلکن دا آسراتی تسکان رسینگ بھاز المی ءِ۔