مزن وزیر ءِ ھاسیں کمکار برائے اوورسیز پاکستانیز ذوالفقار عباس بخاری ءِ امریکہ ءِ تہ مسلم گلانی سروکاں گوں گپ ءُُ تران

اسلام آباد۔ 15 ستمبر (اے پی پی)مزن وزیر ءِ ھاسیں کمکار برائے اوورسیز پاکستانیز سید ذوالفقار عباس بخاری ءَ امریکہ ءِ تہ کار کنوکیں مسلمان گلانی سرا زور مان کتگ کہ آں بھارتی مزن وزیر نریندرمودی ءِ آسرکارحکومت ءِ زلم ءُُ زوراکی ءِ آماچیں معصومیں کشمیریاں گوں اظہار یکجہتی ءَ کن انت، مسلمان براتری ءَ را کشمیریانی پلہ مرزی کنگ لوٹ ایت پرچا کہ کشمیریانی حق خودارادیت ءِ جدوجہد یک ھاسیں بھرءَ پترتگ انت۔اے ھیالانی درشان آہاں امریکہ ءِ شہر نیویارک ءِ تہ مسلم ادارگہانی سروکی کنوکیں سرجمیں دگنیا ءَ چہ سیادی داروکیں امریکی مسلمانانی ڈل ءَ گند ءُُ نند ءِ تہ کتگ ات۔اسلامک سرکل آف نارتھ امریکہ ءِ ہیڈ کوارٹر ءِ تہ برجمیں دیوان ءِ تہ امریکہ،ترکی، عرب ءُُ بنگالی ادارگہانی ابید دگہ مسلماں گلانی واکدارءَ بھرزوراتگ۔