مغربی سیمسرءِ سرا ناشرکاراں تیرکاری ءِ دو واکیہ ءَ 4ورناء شہید،یک ٹپی بوتگ۔آئی ایس پی آر

راولپنڈی۔ 14 ستمبر (اے پی پی) مغربی سیمسر ءِ سرا ناشرکارانی تیرکاری ءِ واکیہ ءَ 4ورناھ شہید بوتگ ات ءُُ یک زحمی بوتگ۔پاک فوجءِ لس سیادیانی تک (آئی ایس پی آر)ءِ نیمگا چہ جاڑی بیان ءِ ردا شمالی وزیرستان ءِ تہ اب خیل سپین وام ءِ نزیک ءَ ناشرکاراں سیکورٹی فورسانی پیٹرولنگ کنوکیں پارٹی ءِ سرا تیرکاری کتگ۔تیرکاری ءِ آسرءَ سپاہی بلتستان ءِ نندوک 23سالی سپاہی اخترحسین شہید بوتگ وھدیکہ پاک فوج ءِ پسو کارروائی ءِ ساعت ءَ دو ناشرکاربیران بوتگ ات۔ دیر ءِ تہ پاک افغان سیمسرءِ سرا ناشرکارانی تیرکاری کنان ءَ یک دگہ واکیہ ءِ تہ ناشرکاراں سیمسرءِ دیما چہ تیرکاری کتگ ءُُ باڑ جنوکیں فوجیءَ رانشانگ جوڈ کتگ۔ ناشرکارانی تیرکاری ءَ چہ 3سپاہی شہید وھدیکہ یک ٹپی بوتگ۔ شہید بیوکیں 28سالی لانس نائیک سید امین آفریدی نندوک ضلع خیبر،31سالی لانس نائک محمد شعیب سواتی نندوک ضلع مانسہرہ، 22 سالی سپاہی کاشف علی نندوک نوشہرہ ھوار انت۔