اسلام آباد۔ 14 ستمبر (اے پی پی) مزن وزیر ءِ ھاسین کمکار برائے ھالرسانی ءُُ شنگکاری ڈاکٹر فردوس عاشق اعوان ءَ مظفرآباد، آزاد جموں وکشمیر ءُُ پاکستان ءِ مہلوک ءِ منت گپتگ انت ءُُ گوشت کہ شما کشمیر ءِ حق ءِ توار برز کنان ءَ دگنیا ءَ را کلوھ سر کت کہ مہ زوربرتگیں کشمیر ءِ گہارءُُ براتءَ گوں پج ءَ اوشتاتگ اوں۔اے ھیالانی درشان آہاں ھپتگ ءَ وتی ٹویٹ ءِ تہ کتگ۔ڈاکٹر فردوس عاشق اعوان ءَ پاکستانی ءُُ میاں اوستمانی میڈیا ھاسکر آرٹسٹ کمیونٹی ءِ ھم منت گپتگ ات کہ آہاں وتی موجودگی ءَ چہ اے احساس دات کہ پاکستان ءِ ہمک تبک کشمیریاں گوں پج انت۔ھاسیں کمکارءَ گوشت کہ مزن وزیر عمران خان اقوام متحدہ ءِ جنرل اسمبلی ءَ گوں تران ءِ تہ دگنیا ءَ را پاکستان ءُُ کشمیر ءِ تہ نندوکیں مردمانی جوزگ ءَ چہ سرپد کن ایت۔
