مظفر آباد۔ 13 ستمبر (اے پی پی) وزیر ءِ درئی کار شاہ محمود قریشی ءَ گوشت کہ کشمیر ءِ سفیر عمران خان کشمیری آنی گوانک ءَ یونائیٹڈ نیشن ءَ برگ ءَ انت، سرجمیں کشمیری راج عمران خان ءَ را وتی سفیر پھم انت، بھارتی مزن وزیر نریندر مودی ءِ توک ءَ ھمت است گڈا مزن وزیر عمران خان ءِ وڑ ءَ کشمیری الس آں گوں گشتانک بکنت ءُُ پش بدار ایت، مودی ءِ تہ ءَ ھمت است گڈا کرفیو ءَ دور بکنت ءُُ تماشا گڈا بچار ایت۔ آدینگ ءِ روچ ءَ کشمیری الس آں گوں یکوئی ءِ درشان ءِ واستہ برجم داشتگیں دیوان ءَ گوں گشتانک کنان ءَ گوشت کہ مودی ءَ مات ءُُ گوھار آناں بندی کتگ، دگنیا جست کنگ ءَ انت کہ آزات کشمیر ءَ ٹی وی چارگ بوھگ ءَ انت، اھوالتاک وانگ بوھگ ءَ انت، انٹرنیٹ ءُُ موبائل سروس چلئگ ءَ انت، مقبوضہ کشمیر ءَ اے درست چیا بند انت، کشمیری الس آنی سر ءَ پولیس ءِ گاٹ چیا دارگ ءَ انت، چیا لکھ آنی کساس ءَ ارد گاٹ دارگ ءَ انت۔ آئی ءَ گوشت کہ عاشورہ ءِ جلوس ءِ سر ءَ بندش جنگ بوتگ، ائید ءِ نماز وانگ ءَ نئیشتگ، کربانی کنگ ءَ ھم نئیشتگ اش، آدینگ ءِ رو چءَ بانگ بیت گڈا کرفیو گیش سخت کنگ بیت۔ آئی ءَ گوشت کہ سفیر ءِ کشمیر عمران خان کشمیر ءِ گوانک ءَ یونائیٹڈ نیشن ءَ بارت ءُُ سرجمیں کشمیری الس عمران خان ءَ را وتی سفیر پھم ایت۔ وزیر ءِ درئی کار ءَ کشمیری الس آناں دل یکیمی دات کہ عمران خان ءَ سرجمیں دگنیا ءِ دیم ءَ کشمیر الس ءِ کیس ءَ بارت ءُُ باج برئی کشمیری آنی بیت۔
