اسلام آباد۔ 13ستمبر (اے پی پی) قومی اسمبلی ٹی ایل او سی آ بھارتی بے خار سم کاری آن شہید مروک آ بندغ، قومی اسمبلی نا باسک عامر طلال، مسکوہی کرکٹر عبدالقادر، اداکار عابد علی و ایلو واقعہ غاتے ٹی کہوک آ بندغ آتے کن دعاپاتیا کرفنگا۔ جمعہ نادے آ قومی اسمبلی نا دیوان نا بناآ اسپیکر قومی اسمبلی اسد قیصر نا پاننگ آ مولانا عبدالاکبر چترالی ایل او سی آ بھارتی بے خار سم کاری آن شہید مروک آ بندغ، قومی اسمبلی نا باسک عامر طلال نا لمہ و مسکوہی اسمبلی نا باسک عاشق گوپانگ نا اُرائی، مسکوہی کرکٹر عبدالقادر، اداکار عابد علی، کوہستان اٹی پاٹ انا پول انا پِننگ آن تپاخت کروک آ 24بندغ و بلوچستان اٹی پیش بروک آ ناخوشگوار واقعہ غاتے ٹی تپاخت کروک آ بندغ آتا روح انا ثواب کن بخشش نا دعا کرفے۔
