اسلام آباد۔ 13ستمبر (اے پی پی) بنجائی وزیر تعلیم و کسبی تربیت شفقت محمود پارینے کہ سپریم کورٹ نا فیصلہ غان زیات فیس ودفوک آ پرائیویٹ اسکول آتا برخلاف سخت کارروائی کننگک، سپریم کورٹ نا فیصلہ نا رداٹ اسہ اسکول اس ہم 5 درسد آن زیات فیس آتے ودفنگ کپک۔ غاو ملانے کہ فیس ودفنگ آن بیدس پین وڑاسے اٹ ہم لمہ و باوہ غاتیا پین بھاریم بٹنگ انگ ءِ، اگہ پین وڑاسے ٹی فیس یکجا کننگ نا کوشست کننگاتو دا دے ہم منپنہ۔ جمعہ نادے پارلیمنٹ ہاؤس نا پیشن میڈیا تون گپ و تران کرسا بنجائی وزیر شفقت محمود پارے کہ پوسکن آ تعلیمی سال انا بناآ پرائیویٹ اسکول نا بابت تو غاو بننگ ءِ کہ پرائیویٹ اسکول آک فیس آتے ٹی بے پناہ ودکی کرینو۔ سپریم کورٹ نا فیصلہ نا رداٹ اسہ اسکول اس ہم 5 درسد آن زیات فیس آتے ودفنگ کپک۔ اوپارے کہ لمہ و باوہ غاک فیس آتے ٹی ودکی آ برانز کننگ ءُ کہ فیس آتے ودفنگ نا تناسب عدالت نا پرمان آن زیات ءِ۔ بنجائی وزیر پارے کہ ای پرائیویٹ اسکول آتے پنت و شون کیوہ کہ اگہ پرائیویٹ اسکول اس فیس آتے زیات ودفے تو اونا برخلاف ایکشن ہلنگک۔ صوبائی حکومت آک ہم دا بابت کڑد ادا کیرکہ اگہ اسکول اس زیات فیس آتے ودفے تو او تینا واک آتے کاریم اٹ اتسا ایکشن ہلیر۔ شفقت محمود پارے کہ داہم غاو ملانے کہ فیس ودفنگ آن بیدس پین وڑاسے اٹ ہم لمہ و باوہ غاتیا بھاریم بٹنگ انگ ءِ او ہم قابل قبول اف۔ اگہ پین وڑاسے ٹی فیس یکجا کننگ نا کوشست کننگا تو داہم قابل قبول اف۔ پرائیویٹ اسکول آتے پاننگ اُٹ کہ عدالتی فیصلہ غان زیات فیس ءِ ودفپس ورنہ اوفتا برخلاف سخت کارروائی مریک۔
