اسلام آباد۔ 13ستمبر (اے پی پی) خصوصی کمکار جان جوڑی ڈاکٹر ظفر مرزا پارینے کہ ڈینگی نا بابت گام گیج کننگ اٹ پورو وڑاٹ تیار اُن، نن انتظامیہ تون اواری اٹ ناجوڑی نا بابت گام گیج کننگ اُن، تدوک آ سال انا نسبت داسال ناجوڑ آتا کچ کم ءِ۔ داخیال آتا درشانی ءِ او جمعہ نادے فیڈرل جنرل ہسپتال اٹی میڈیا تون گپ و تران اٹی کرے۔ ڈاکٹر ظفرمرزا پارے کہ فیڈرل جنرل ہسپتال اٹی ڈینگی نا درمان نا بست وبند آتے خنسا است جم مسنے۔ اوپارے کہ ڈینگی نا بابت گام گیج کننگ اٹ پورووڑاٹ تیار اُن، انتظامیہ تون اواری اٹ داناجوڑی نا بابت گام گیج کننگ اُن۔ اوپارے کہ ننے ہر گھنٹہ نا خبر ءِ کہ اخس مریض ہسپتال اٹی داخل ءُ اخس پوسکن بننگ ءُ و اخس ہِننگ ءُ۔ تدوک آ سال آتا نسبت داسال ناجوڑ آتا کچ کم ءِ۔
