اسلام آباد ۔ 12ستمبر(اے پی پی ) مز ن وزیر عمران خان ءَ گشتگ کہ تعمیرات ءِ پڑءَ را دیما برگءِ ھاترءَ المی اِنت کہ صنعتءِ درجگ دیءگ بہ بیت تنکہ اے پڑءَ گوں بندوکیں مردماں ارزانی ودی کنگ بہ بیت ۔ اے گپ آئیءَ پنچ شمبے ءِ روچءَ تعمیراتءِ پڑءَ بیپاری کنگءِ ھاترءَ ارزانی ودی کنگءِ ہوالگءَ گامگیجانی ہوالگءَ دیوانءِ سروکی کنانءَ کتگ ۔ دیوانءَ حاسیں کمک کار ڈاکٹر فردوس عاشق اعوان ، چیئرمین سرکاری بورڈ سید زبیر گیلانی، سیکرٹری ہاءوسنگ ڈاکٹر عمران خان زیب، چیئرمین نیا پاکستان ہاوَسنگ اتھارٹی لیفٹیننٹ جنرل (ر) انور علی حیدرء ُ دگہ سینئر افسر ہوار بوتگ اَنت ۔ نوکیں پاکستان ہاءوسنگ لیفٹیننٹ ءِ چیئرمین جنرل (ر) انور علی حیدر ءَ مزن وزیرءَ را تعمیراتءِ پڑءَ جیڑہء ُ جنجال ء ُ آیانی گیشء ُ گیوار کنگءِ ھاترءَ چست کتگیں گامگیجانی ہوالگءَ شونشت داتگ ۔ چیئرمین نیا پاکستان ہاوَسنگ اتھارٹی ءَ اے ہوالگءَ کسانیں ، درنیامی ء ُ دراج مدتی روڈ میپ ہم پیش کتگ ۔ سی ڈی اے ءِ چیئرمین ءِ نیمگءَ چہ مزن وزیرءَ اسلام آبادءَ ’’آٹو میٹڈ کلائنٹ سروس سنٹرز‘‘ بندات کنگءِ ہوالگءَ شونشت داتگ ۔ مزن وزیرءَ دیوانءَ گوں تران کتگء ُ گشتگ کہ بیپاری براتیءِ ھاترءَ ارزانی ودی کنگ حکومتءِ اولی دلگوشی اِنت ۔ آئیءَ گشتگ کہ تعمیراتءِ پڑءِ دیما برگءِ ھاترءَ المی اِنت کہ تچک ءَ تچک صنعتءِ درجگ دیءگ بہ بیت تنکہ اے پڑءَ گوں بندوکیں مردماں ارزانی ودی بہ بیت ۔
