اسلام آباد۔ 21 اگست (اے پی پی) وزیراعظم نا جان جوڑی انصاف پروگرام نا رداٹ خیبر پختونخوا نا قبائلی ضلع غاتے ٹی پنچ لکھ جان جوڑی انصاف کارڈ بشخنگانے، وزیراعظم نا پارت آ قبائلی ضلع غاتا غٹ خاہوت آتے جان جوڑی انصاف کارڈ فراوان کننگ انگ ءِ، بنائی وڑاٹ 3لکھ روپئی اسکان غٹ مرض آتا درمان ءِ کرفنگ مریک ولے بھلو ناجوڑی اسے نا حالیت اٹی جان جوڑی انصاف کارڈ ءِ 7 لکھ 20 ہزار روپئی اسکان درمان کرفنگ مریک۔ سٹیٹ لائف انشورنس نا قبائلی ضلع غاتیکن پروگرام منیجر حاشر خان چارشنبے نادے آ اے پی پی تون گپ و تران کرسا پارے کہ حکومت وزیراعظم نا جان جوڑی انصاف پروگرام نا رداٹ خیبر پختونخوا نا قبائلی ضلع غاتا الس ءِ وزیراعظم نا ویژن نا رداٹ جان جوڑی انصاف کارڈ فراوان کننگ انگ ءِ وزیراعظم قبائلی ضلع غاتا غٹ خاہوت آتے جان جوڑی انصاف کارڈ فراوان کننگ نا پارت نا رداٹ غٹ خاہوت آتے بے پرخ جان جوڑی انصاف کارڈ فراوان کننگ انگ ءِ۔ اوپارے کہ خیبر پختونخوا نا قبائلی ضلع غاتا الس اٹی داوخت اسکان 5لکھ جان جوڑی انصاف کارڈ بشخنگانے۔ وزیراعظم نا جان جوڑی انصاف پروگرام نابنائی وڑاٹ 3لکھ روپئی اسکان غٹ مرض آتا درمان مننگ کیک ولے ایمرجنسی یا بھلو ناجوڑی اسے نا حالیت اٹی جان جوڑی انصاف کارڈ آن 7 لکھ 20 ہزار روپئی اسکان درمان کرفنگ مریک۔ حاشر خان پارے کہ جان جوڑی انصاف کارڈ انا فراوانی کن غٹ تحصیل ہیڈ کوارٹر ہسپتال و ڈسٹرکٹ ہیڈکوارٹر ہسپتال اٹی دا بابت ہند جوڑ ءِ ہرافتے ٹی قبائلی الس ءِ تعلقدار فارم نا اندراج نا جان جوڑی کارڈ فراوان کننگ انگ ءِ۔
