اسلام آباد۔ 21 اگست (اے پی پی) وزیر مملکت ہاؤسنگ اینڈ ورکس شبیر علی قریشی پارینے کہ مشکل حالیت آتیان پد ہم حکومت وزیراعظم عمران خان نا کماشی ٹی ہر بندغ نا راجی آسراتی کن کاریم کننگ ءِ، حکومت ملک ءِ شونداری و شونہالی نا کسر آ اتنگ کن دے و ننءِ اسٹ کرینے۔ قوم خراج ترسا قومی فرض ءِ ادا کے۔ داہیت ءِ او ”اے پی پی“ تون گپ و تران کرسا پارے۔ اوپارے کہ مشکل حالیت آک ءُ، اوکان پد ہم تحریک انصاف نا کماشی و حکومت دا ہیت انا فیصلہ ءِ کرینو کہ اخس کہ مننگ کے الس ءِ ریلیف تننگے۔ اوپارے کہ وزیراعظم عمران خان ملک ءِ مشکل حالیت آتیان کشنگ کن کوشست کننگ ءِ۔ اسہ سوج اسے نا ورندی ٹی اوپارے کہ قوم خراج ایتے و ملک ءِ مشکل حالیت آتیان کشنگ اٹ تینا قومی آ فرض ءِ اداکے۔ اوپارے کہ خراج کون آ کہ وزیراعظم عمران خان پارے کہ السی است خواہی تا رداٹ ملک وقوم انا شونداری و شونہالی آ خڑچ مریک۔
