اسلام آباد ۔ 16اگست(اے پی پی ) دری کارانی وزیر شاہ محمود قریشی ءَ کشمیرءِ جیڑہ ءِ ہوالگءَ پاکستان ءِ سفارتی پڑءَ یک دگہ مزنیں سوبمندی ءِ سرءَ سرج میں راجءَ را مراد بات داتگء ُگشتگ کہ اے توار تنا پاکستان ءِ نہ سرج میں اسلامی دنیا ءِ توار ے جوڑ بوتگ، منءَ اُمیت اِنت کہ سکیورٹی کونسل ہم اے اسلامی دنیاءِ توارءِ سرءَ دلگوشی دنت ۔ جمعہءِ روچءَ وتی ویڈیو کلوہ ء َ دری کارانی وزیر ءَ گشتگ کہ او آئی سی رابطہ گروپ برائے کشمیرءِ جدہ دیوانءَ ہوار بوتگ ء ُ باسکیں ملک آنی نمائندگاں گوں ھیالء ُ لیکہ ءِ درشانی کتگ کہ ایشیءَ پد آئیءِ پریس اسٹیٹمنٹ ہم دیما اَتکگ، مسلم ملک آنی تنظیم ( او آئی سی ) ءَ بھارتءَ چہ جموں ء ُ کشمیر ءَ کرفیو ءَ را زوتاں چہ زوت ہلاس کنگءِ لوٹ کتگ، چیا کہ دواء ُ درمان ءِ کمی بوتگء ُ نادراہ آناں نادراہ جاہءَ سرکنگءَ جیڑہء ُ جنجالانی دیمپانی کنگ بوہگءَ اِنت ۔ آئیءَ گشتگ کہ مے اے توار تنا پاکستان ءِ نہ سر ج میں اسلامی دنیاءِ توار جوڑ بو تگ ۔
