کوءٹہ ۔ 16اگست (اے پی پی) کوءٹہ نا نواحی علاقہ کچلاک اٹی بمب دھماکہ، دھماکہ ٹی اِرابندغ تپاخت کریر وخت اس کہ بیست ءُ دو بندغ ٹھپی مسر، پولیس نا رداٹ کچلاک نا علاقہ کلی قاسم مسجد اٹی جمعہ نا نماز اٹی اناگت دھماکہ مس ، ہراٹی محمد خان و اسہ نادرست ءُ بندغ اس تپاخت کریر وخت اس کہ عزت اللہ حاجی مراد محمد قسیم ، قدرت اللہ ،نامعلوم ، حکمت ، حاجی ندا ، وحیداللہ ، حاجی اکبر ، عبدالجبار ، عبدالحکم ، آ غامحمد، صدیق ، عبدالرحمن عز ت اللہ ۔ ، حیات اللہ ،عبداھیان، رحیم الدین سعد الدین ، غلام سرور ، رحمت اللہ عنایت اللہ ٹھپی مسر ۔ واقعہ نا حوال ملنگ تون پولیس ، لیویز و ریسکیو ٹیمک واقعہ نا جاگہ غا سرمرسا امدادی کارروائی تا بناءِ کریروخت اس کہ لاش و ٹھپی تے دمدستی و ڑاٹ کوءٹہ ٹراما سینٹر آ مون تسر ہراڑے اوفتے طبی امداد تننگ انگءِ ۔ پولیس و سیکورٹی فورس آک علاقہ ءِ گھیڑ اٹی ہلسا بمب ڈسپوزل اسکواڈ ءِ طلب کریر ۔ پولیس نا رداٹ دھماکہ خیز مواد آتے مسیت نا ممبر نا کیرغ آن تخنگاسس، مستی جاست وپاست برجاءِ ۔
