اسلام آباد ۔ 16اگست (اے پی پی) بنجائی وزیر ڈٹ بندی، شونداری و اصلاحات مخدوم خسروبختیار پارینے کہ حکومت انفارمیشن ٹیکنالوجی نا پڑاٹ جدت اتنگ کن گام گیج کننگ ءِ تانکہ پاکستان دنیا نا ایلو ملک آتون پوسکن آ ٹیکنالوجی نا پڑاٹ اوفتا مقابلہ ءِ کننگ کے ۔ داخیال آتا درشانی ءِ او تدوک آ دے سینٹرل ڈویلپمنٹ ورکنگ پارٹی نا دیوان آن تران کرسا کرے ۔ دیوان اٹی انفارمیشن ٹیکنالوجی نا کنڈآن 3 ڈٹ پیش کننگاہرافتے ٹی اولیکو ڈٹ ایم ایس اے این ٹیکنالوجی نا کمک اٹ براڈ بینڈ سروس آتا ودفنگ ، آزاد جموں کشمیر و گلگت بلتستان اٹی آئی پی کور و ایکسیس نیٹ ورک نا اپ گریڈیشن کن 1540ملین روپئی نا ڈٹ پیش کننگا ہرافتے دیوان اٹی منظور کننگا ۔ ارٹ میکو ڈٹ اے جے کے و گلگت بلتستان اٹی سیلولر سروس نا ودفنگ کن 2790ملین روپئی نا خڑچ انا ڈٹ پیش کننگا ہرادے دیوان اٹی منظور کننگا ۔ مسٹ میکو ڈٹ مچ آ پاکستان اٹی ای روزگار پروگرام نا رداٹ نیشنل فری لانس ٹریننگ پروگرام ڈٹ اکن 367;46;169 ملین روپئی خڑچ انا ڈٹ پیش کننگا ہرادے دیوان اٹی منظور کننگا ۔
