اسلام آباد ۔ 16 اگست (اے پی پی) وزیر خارجہ شاہ محمود قریشی کشمیرنا ویل انا بابت پاکستان نا سفارتی پڑاٹی اسہ پین بھلو سرسہبی اسے آ قوم ءِ مبارکبادی ترسا پارینے کہ اینو دا توار بیرہ پاکستان نا آخا مچ آ اسلامی دنیا نا امنائی توار مسنے، کنے اومیت ءِ کہ سیکورٹی کونسل ہم دا اسلامی دنیا نا توار آ چکار کیک ۔ جمعہ نادے آ تینا اسہ ویڈیو کلہو اسے ٹی وزیر خارجہ پارے کہ ای او آئی سی رابطہ گروپ کشمیر نا جدہ دیوان اٹی بشخ ہلکوٹ و باسک ملک آتا نمائندہ غاتون گپ و تران کریٹ اوکان پد اوفتا پریس اسٹیٹمنٹ ہم مون آ بس، مسلم ملک آتا تنظیم (او آئی سی) اینو بھارت آن مقبوضہ جموں و کشمیر اٹی فی الفور کرفیو ءِ ہرفنگ نا خواست کرینے تانکہ ہموڑے پدریسہ کرفیو نا سوب آن ہرا دوائی تا کمتی مسنے و مریض آتے ہسپتال آ سرکننگ اٹ مشکل پیش بننگ ءِ اوفتا تکلیف آتا ازالہ مننگ کے ۔ اوپارے کہ اینو دا توار بیرہ پاکستان نا آخا مچ آ اسلامی دنیا نا امنائی توارمسنے ۔ اوپارے کہ کنے اومیت ءِ کہ سیکورٹی کونسل ہم اسلامی دنیا نا توار آ چکار کیک ۔
