اسلام آباد ۔ 16 اگست (اے پی پی) مزن وزیرت ءِ ھاسیں کمکار برائے اھوالکاری ءُپ شنگ کاری ڈاکٹر فردوس عاشق اعوان ءَ گوشت کہ وطن ءِ دیمپانی ءِ ھاترا وتی جان آنی کربان کنوکیں شہید مئے شرپ ءُُ ازت انت، سرج میں راج ایشاناں توسیپ ءُُ ستا پیش کنت ۔ آدینگ ءِ روچ ءَ چاگردی تنج ٹویٹر ءِ سر ءَ وتی کلوہ ءِ تہ ءَ ھاسیں کمکار ءَ گوشت کہ بھارت لائن آف ءِ دوئیں نیمگ ءَ کشمیری آناں لگت مال کنگ ءَ انت ۔ آئی ءَ گوشت کہ بھارت اے رنگیں سلکاری ءَ چہ پڑ ءِ ایمنی ءَ بیم ات ۔ ڈاکٹر فردو س عاشق اعوان ءَ گوشت کہ ما لائن آف کنٹرول ءِ سر ءَ بھارتی اُرد ءِ کور ءُُ کائی تیرگواری ءَ را سک باز مذمت کناں ۔
