اسلام آباد ۔ 15اگست(اے پی پی) پانزدہ اگست بھارتءِ آجوہی ءِ روچءَ را پاکستانء ُ آزاد جموں ء ُ کشمیر ءَ ہوار سرج میں دنیاءَ استیں پاکستانی ء ُ کشمیری براتیءِ نیمگءَ چہ ’’سیاہیں روچ‘‘ گوازینگ بوہگءَ اِنت ۔ آئیءَ گشتگ کہ مقبوضہ کشمیرءَ را یک بندی جاہے ءَ مٹ کنگ ءِ مودی سرکارءِ اے گامگیج ءَ پد حکومت پاکستان ءِ فیصلہ ءِ ردءَ گوستگیں روچ 14اگستءَ را وتی کشمیری براتاں گوں یکوئی کتگء ُ گوازینتگ وہد ے کہ بھارتءِ آجوہیء ِ روچءَ را سیاہیں روچ گوازینگ ءِ فیصلہ کتگ ۔ مزن وزیر عمران خانءَ سیاہیں روچءِ درگتءَ وتی ٹویٹر اکاءونٹ ءَ را سیاہ کتگ ۔ ایشیءَ ابید حاسیں کمک کار ڈاکٹر فردوس عاشق اعوان ءَ ہم وتی ٹویٹر ءِ اکاءونٹءِ عکسءَ ر اسیاہ کتگ ۔ آئی ایس پی آرءِ ڈی جی میجرجنرل آصف غفور ءَ وتی ٹویٹر اکاءونٹءِ پروفائل عکسءَ را سیاہ کتگ ء ُ دی کارانی وزیر ءِ جارچین ڈاکٹر محمد فیصل ءَ وتی ٹویٹر اکاءونٹءِ عکس ءَ را سیاہ کتگ ۔ ایشی ءَ ابید آئی ایس پی آر ءِ سروک ءَ وتی ٹویٹر پروفائل ءَ را سیاہ کتگ ۔ پاکستانء ُ آزاد کشمیرءَ ابید سرج میں دنیاءَ نندوکیں پاکستانیء ُ کشمیری براتی ءَ بھارتءِ آجوہی ءِ روچءَ سیاہیں روچ گوازینتگء ُ میاں اوستمانی براتی ءَ را اے کلوہ داتگ کہ تاں کرناں چہ کشمیری آنی سرءَ ناحقی کنوکیں بھارت وتی ناپاکیں ادارگاں ناکام بوتگ ء ُ کشمیری اُلس وتی وت واجہیء ُ وتی آجوہی ءِ ھاترءَ وتی جدوجہدءَ بند نہ کناں ۔ پاکستانءِ اُلسءَ میاں اوستمانی براتی ءَ را اے کلوہ داتگ کہ آ اے وہدءَ کشمیرءَ را ہم گامء ُ ہم کوپگ اَنت ۔ اے بابتءَ سرج میں دنیاءَ نندوکیں پاکستانی ء ُ کشمیری براتی ءَ ابید سرکاری ، درسرکاری، وکیل ، صحافتی براتی ء ُ سول سوساءٹی ءَ ہوار زندءِ ہمک پڑاں گوں سیادی داروکیں مردماں کشمیری آنی سرءَ ظلمء ُ ناحقی ءَ را یر کتگ ء ُ گوں کشمیری آں گوں یکوئی ءِ درشانی کتگ ۔ اے بابتءَ مراگش کنگ بوتگء ُ روانک درکنگ بوتگ اَنت تنکہ سرج میں دنیاءَ را بھارتءِ ظلمء ُ ناحقی حال دیءگ بہ بیت ۔
