اسلام آباد ۔ 14اگست(اے پی پی) مزن وزیر عمران خان چارشمبے ءِ روچءَ پاکستانءِ آجوہی ءِ روچءِ موہءَ آزاد جموں کشمیرءِ قانود ساچیں اسمبلی ءَ گوں تران کنگءَ مظفر آبادءَ سربوتگ ۔ مظفر آباد ءَ سربوہگءَ آزاد کشمیرءِ صدر سردار مسعود خان ء ُ آزاد کشمیرءِ مزن وزیر راجہ فاروق حیدر ءَ آئیء َ را وش اَتک کتگ ۔ مزن وزیر عمران خانءَ را گارڈ آف آنر پیش کنگ بوتگ ۔ مزن وزیر کارگسءِ میڈیا ونگءِ نیمگءَ چہ جاری بیانءِ ردءَ حکومت پاکستانءَ مقبوضہ کشمیر ءِ بہادریں اُلسءَ گوں یکوئیءِ درشانی ء ُ آیانی و ت واجہی ءِ جدوجہد ءِ دروشمءَ 14اگستءَ گوازینگ ءِ فیصلہ کتگ ۔ بھارتءَ اقوام متحدہ سلامتی کونسل ءِ تپاک نامہ آنی حلاپ ورزی کتگء ُ کشمیرءِ حاسیں ارزشت ہلاس کتگ اے گامگیجءِ حلاپءَ 15اگستءَ بھارتی ءِ آجوہیءِ روچءَ را سیاہیں روچ گوازینگ بیت ۔
