اسلام آباد۔یکم جولائی (اے پی پی) مزن وزیر عمران خان ءَ گشتگ کہ حکومتءَ بیپاری براتی ء ُ زرکاراں پائدگ دیئگءِ جزم کتگ۔ آئیءَ اے گپ سعودی عرب ءِ نامداریں سامبا فنانشل گروپ ءِ ڈلءَ گوں گپء ُتران کنان ءَ کتگ کہ آیاں دوشمبے ءِ روچءَ چیئرمین عمار الخضیریءِ سروکیءَ مزن وزیر کارگس ءَ یکے دومی ءَ گوں گند ء ُنندکتگ۔ گندء ُنندءَ سامبا بنکءِ چیئرمین ڈاکٹر شجاعت ء ُ شاہد ستار ہوار بوتگ اَنت۔ حزانگءِ صلہ کار ڈاکٹر عبدالحفیظ شیخ، بیپاریءِ صلہ کار عبدالرزاق داؤد، حاسیں کمک کار ندیم بابر، حاسیں کمک کار سیدذوالفقار بخاری ہم گندء ُنندءَ ہوار بوتگ اَنت۔ مزن وزیر ءَ ملکی معیشت ءِ مھکمی ءِ ھاترءَ بیپاری تبکءَ را آسراتی دیئگءِ ھاترءَ چست کتگیں گامگیج ءَ چہ سرپد کتگ۔
