اسلام آباد۔ 26مئی (اے پی پی) وزیراعظم عمران خان تون چین نا نائب صدر وانگ چی شن نا نیام اٹ مروک آ اوڑدہی نا اعلامیہ ءِ جاری کننگانے، ہرانارداٹ پاکستان و چین اسٹریٹجک کوآپریٹوپارٹنر شپ ءِ سوگو کننگ آ امنا کرینو، ہڑتوم آ ملک آک غٹ بشخ آتے ٹی ہڑتوم آ کنڈآتا تعلقداری تے مون آ دننگ، السی رابطہ غاتا کمک اٹ سیاسی، واپاری و اقتصادی تعلقداری تے پین ودفنگ آ امنا کرینو۔ یک شنبے نادے آ چینی نائب صدر وانگ شی چن خصوصی سلہ غا پاکستان نا دورہ ءِ کرے، ہڑتوم آ ملک آتا ڈل آتا کہول آ مذاکرات ہم مس۔ اسیجا اعلامیہ نا رداٹ وزیراعظم تون اوڑدہی ٹی ہڑتوم آ ملک آتا نیام اٹ ڈل آتا کہول آ مذاکرات مس۔ پاکستان و چین نا نیام اٹ اسٹریٹجک کوآپریٹو پارٹنر شپ ءِ سوگو کننگ آ امنا کننگا۔ ہڑتوم آ ملک آک غٹ بشخ آتے ٹی ہڑتوم آ کنڈآتا تعلقداری تے مون آ دننگ، السی رابطہ غاتا کمک اٹ سیاسی، واپاری و اقتصادی رابطہ غاتے ودفنگ آ امنا کریر دا وخت آ وزیراعظم تینا دورہ چین و بیلٹ اینڈ روڈ فورم نا نتیجہ غاتیا است جمی نا درشانی ءِ کرے۔ وزیراعظم عمران خان نا پاننگ ئس کہ بیلٹ اینڈ روڈ ڈٹ چینی صدر شی جن پنگ نا عظیم ءُ ڈٹ اسے ہراڑان ڈیہہ ٹی شونداری نا پوسکن ءُ درگہ ملنگک وخت اس کہ علاقائی رابطہ غاتے ہم مون آ دننگک۔ وزیراعظم و چین نا نائب صدر نا اوڑدہی ٹی مفاہمت نا یات داشت آتیا دستخط کننگا۔ ہڑتوم آ راہشون تا نیام اٹ مروک آ اوڑدہی ٹی سی پیک ڈٹ انا بروک آ مرحلہ غاہم گپ و تران مس،، پاک چین اقتصادی راہداری ڈٹ انا کمک اٹ کشاری، صنعتی، راجی شونداری نا ڈٹ آتیا پین کاریم کننگ آ امنا کننگا۔ اعلامیہ ٹی پاننگانے کہ چینی نائب صدر نا دورہ پاکستان اٹی پنچ معاہدہ غاتیا امنا مس وخت اس کہ صدر مفاہمتی یات داشت آتیا دستخط ہم کرے ہرافتے ٹی پاک چین معاشی معاہدہ، کشاری فریم ورک اٹی کمکاری، قدرتی آفت آتے ٹی ریلیف، بلوچستان نا علاقہ لسبیلہ ٹی یونیورسٹی نا شونداری نا معاہدہ اوارے۔ داوخت آ پاکستان اٹی 4 ڈٹ آتا بناءِ کننگا ہرافتے ٹی 660 کے وی ایچ وی ڈی سی ٹرانسمیشن پروجیکٹ میٹاری آن لاہور، رشکئی اسپیشل اکنامک زون پروجیکٹ، ہواوے ٹیکنیکل سپورٹ سنٹر و کنفیو سیوشن انسٹی ٹیوٹ یونیورسٹی آف پنجاب اوارے۔
