ناشرکاراں ملک ءَ بدایمنی ءِ شنگ کنگ ءُ وتی نا شریں ارادہ ءَ سوبمند بوھگ ءِ اجازت نہ دنت, مزن وزیر محمد شہباز شریف

اسلام آباد۔8اکتوبر  (اے پی پی): مزن وزیر محمد شہباز شریف ءَ شمالی وزیرستان ءَ فتنہ الخوارج ءِ ھلاپ ءَ سوبمندیں آپریشن ءِ سر ءَ سیکورٹی فورسز ءِ افسر ءُ کارندہ آناں توسیپ کتگ ءُ گوشت کہ ناشرکار آناں ملک ءَ بدایمنی ءِ شنگ کنگ ءُ وتی نا شریں ارادہ آنی تہ ءَ سوبمند بوھگ ءِ موہ نہ دیگ بیت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ آپریشن ءِ تہ ءَ فتنہ الخوارج ءِ 4 ھاسیں کمانڈر آنی تہ ءَ ھوار 9 ناشرکار آنی کوش ءِ واستہ افسر ءُ کارندہ آنی پیشہ وارانہ مہارت ءِ ستا کرتگ۔ مزن وزیر ءَ گوشت کہ شمالی وزیرستان ءِ پلانگزئی، ندیم کوٹ  ءُ  کوٹ خضری ءِ دمگ آنی تہ ءَ فتنہ الخوارج ءِ حلاف ءَ موثر آپریشن کنگ بوتگ۔ فتنہ الخوارج ءِ ھلاپ ءَ سیکورٹی فورسز ءِ سوبمندیں آپریشن پاکستان ءِ ناشرکاری ءِ سرجمی ءَ ھلاس کنگ ءِ بے مٹیں جزم ءِ درشان اِنت۔ مزن وزیر ءَ گوشت کہ سیکورٹی فورسز ءِ افسر ءُ مردین ناشرکاری ءِ ھلاسی ءُ ملک ءَ دائمی امن ءِ برجائی ءِ واستہ ستا کرزیں ازمت کنگ ءَ انت۔