ڈیجیٹل نیشن پاکستان ءِ مول ءُ مراد شہری آناں جوانیں  ءُ آسانیں آسراتی دیگ انت، ادارگ آنی نیام ءَ ڈیٹا شیئرنگ ءَ بزگریں طبقہ ءَ را ایندھن ءِ سبسڈی دیگ ءِ تہ ءَ کلیدی کرد پیلو، مزن وزیر محمد شہباز شریف

اسلام آباد۔8اکتوبر  (اے پی پی): مزن وزیر محمد شہباز شریف ءَ گوشت کہ ڈیجیٹل نیشن پاکستان ءِ مول ءُ مراد شہری آناں موثر ءُ آسانیں ازمت آناں دل یکیمی کنگ اِنت، ادارگ آنی نیام ءَ ڈیٹا ءِ بھر ءُ بانگ ءَ چہ بزگریں تبک ءِ واستہ ایندھن ءِ سبسڈی اسکیم ءِ سوبمندیں رنگ ءَ سرجمی ءِ تہ ءَ کلیدی کرد پیلو کتگ، یک قومی تک ءِ تہ ءَ پاکستان ءِ راجی تک ءَ ڈیجیٹل ڈیٹا پلے خدمات حکومتی و شہری آسراتی. پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ وفاقی وزارت آنی تہ ءَ ڈیجیٹل نیشن پاکستان پروگرام ءِ سر ءَ عمل درآمد ءِ ھوالگ ءَ پیشرفت ءِ چار ءُ تپاسی دیوان برجم دارگ بوت۔ مزن وزیر ءِ سروکی ءَ پاکستان ڈیجیٹل نیشن پروگرام ءِ چیر دستی ءَ وفاقی وزارت آنی کارکردگی ءُ ہمگرنچیں ڈیٹا آناں ڈیجیٹلائزیشن ءِ ھوالگ ءَ پیشرفت ءِ چار ءُ تپاسی دیوان برجم دارگ بوت۔ مرکزی ڈیٹا سینٹر ءَ وتی سرکاری ازمت، کارکردگی ءُ سیادی داروکیں ڈیٹا ءِ پھجارینگ ءِ بابت ءَ جتا جتائیں وفاقی وزارت آناں سرپدی دیگ بوتگ۔ وفاقی وزارت صحت ءِ مرکزی ڈیٹا سنٹر ءَ ھواریں ڈیٹا ءِ پھجارینگ ءُ دوائی آنی کوالٹی ءِ تصدیق ءِ تہ ءَ ڈیجیٹلائزیشن ءِ کارمرد کنگ ءِ بابت ءَ ھاسیں بریفنگ دیگ بوتگ۔ مزن وزیر ءَ ہدایت کت کہ توامیں وفاقی وزارت راجی ڈیجیٹل پلیٹ فارم ءِ سر ءَ سیادی داروکیں ڈیٹا پجاری ءِ واستہ المی ئیں گامگیج وھد ءِ سر ءَ سرجم بہ کن اَنت۔ مزن وزیر ءَ گوشت کہ ڈیجیٹل نیشن پاکستان ءِ چیر دستی ءَ راجی تک ءِ مرکزی ڈیٹا سینٹر حکومتی ازمت ءُ شہری آسراتی آنی پُجاری ءَ ھاسیں کرد ءِ پیلو کنت۔ وفاقی وزارت آنی مرکزی ڈیٹا سینٹر ءَ ھواریں ڈیٹا ءِ ذمہ واری، کارکردگی ءُ پجارینگ ءَ چہ حکومتی نظام ءَ را نوکیں دور ءِ رد ءَ آرگ بیت۔ ڈیجیٹل نیشن پاکستان ءِ مول ءُ مراد راجی تک ءَ شہری آنی واستہ موثر ءُ آسانیں ازمت آناں دل یکیمی کنگ انت۔ مزن وزیر ءَ گوشت کہ راجی تک ءَ توامیں شوبگ ءُ حکومتی ادارگ آنی نیمگ ءَ کارآمدیں ڈیٹا ءِ پجاری ملکی اقتصادی دیمروئی ءَ کمکار ثابت بیت۔ ادارگ آنی نیام ءَ ڈیٹا ءِ بہر ءُ بانگ ءَ بزگریں طبقہ ءِ واستہ ایندھن ءِ سبسڈی اسکیم ءِ سوبمندیں نفاذ ءِ تہ ءَ کلیدی کرد پیلو کتگ۔ وزارت ءُ ایشی ءَ گوں سیادی داروکیں ڈیٹا ءِ کارکردگی ءِ ڈیجیٹلائزیشن اصل ءَ کرپشن ءُ ادارہ جاتی بے ترتیب ءِ گر ءُ دار ءِ تہا مزنیں کردے پیلو کنت۔ راجی تک ءَ وزارت جان سلامتی ءِ نیمگ ءَ صوبائی حکومت آنی ھمکاری ءَ یک جہانی میڈیکل ریکارڈ ءِ جوڑ کنگ ءِ واستہ ستا کرزیں گامگیج چست کنگ بوتگ اَنت۔ مزن وزیر ءَ گوشت کہ سرجمیں ملک ءَ جوانیں دوائی آنی پھجاری ءَ را دل یکیمی کنگ ءِ واستہ کیو آر کوڈ ءِ سر ءَ کار کنگ ستا کرزیں گپ اِنت۔ گند ءُ نند ءَ گوشت بوت کہ وفاقی وزارت انفارمیشن ٹیکنالوجی ءِ نیمگ ءَ چہ درستیں سیادی داروکیں وزارت آنی سرجمیں کمک ءَ گوں ھمگرنچیں شوبگ ءِ ڈیجیٹلائزیشن ءِ ھوالگ ءَ زبردستیں گامگیج کنگ بوھگ ءَ اِنت۔ الس ءِ آسراتی ءِ رد ءَ بنجاھی ازمت ءِ شوبگ ھاسیں رنگ ءَ جان سلامتی، کشت ءُ کشاری ءُ ایندگر وزارت آنی تہ ءَ ڈیجیٹلائزیشن ءِ عمل اولیت ءِ رد ءَ سرجم کنگ بوھگ ءَ اِنت۔ وزارت انفارمیشن ٹیکنالوجی ءِ نیمگ ءَ چہ وزارت ءِ کانود ءِ کمک ءَ یک جاہ ءَ ھواریں راجی کانود آنی پھجارینگ ءِ واستہ ھاسیں ءُ موثر گامگیج زورگ ءَ انت تانکہ آیوکیں کانود سازی ءِ واستہ جوانیں رہشونی ءِ پجارینگ بہ بیت۔ مزن وزیر ءِ ہدایت ءِ رد ءَ اولی ترجی ءِ شوبگ آنی ڈیجیٹلائزیشن ءِ سر ءَ کار برجاہ اِنت ءُ ڈیجیٹل گورنمنٹ سروسز، ڈیجیٹل اکانومی ءُ ڈیجیٹل سرکاری آسراتی ءِ وڑیں مول ءُ مراد آنی سرجمی ءِ واستہ ھاسیں گامگیج کنگ بوھگ ءَ اِنت۔ مزن وزیر ءَ توامیں وفاقی وزارت آناں صوبائی حکومت ءُ ھمگرنچیں ادارگ آنی کمک ءَ یک ٹھینگ بوتگیں وھد ءِ تہ ءَ ھمگرنچیں ڈیٹا ءِ ڈیجیٹل کنگ ءِ عمل ءَ را سرجم کنگ ءِ ھاسیں ہدایت دات۔ گند ءُ نند ءَ وفاقی وزیر کانود اعظم نذیر تارڑ، وفاقی وزیر خزانہ محمد اورنگزیب، وفاقی وزیر اقتصادی امور احد چیما، وفاقی وزیر تجارت جام کمال خان، وفاقی وزیر اطلاعات ءُ شنگکاری عطا اللہ تارڑ، وفاقی وزیر قومی جان سلامتی مصطفی کمال، , وفاقی وزیر برائے انفارمیشن ٹیکنالوجی شزا فاطمہ خواجہ  ءُ   سیادی داروکیں ادارگ آنی کارندہ ساڑی اتنت۔