جھیڑہ غاتا ایسرو بامعنی گپ وتران نا مون آ دننگ اٹ زالبول سفارت کار آتا کڑد المی ءِ، پاکستان نا سفیر ممتاز زہرا بلوچ

پیرس۔ 08 اکتوبر (اے پی پی)فرانس اٹ پاکستان نا سفیر ممتاز زہرا بلوچ جہانی تعلقداریتیٹی زالبول آتا اہم کڑد ءِ تالان کرسا پارینے کہ جہانی امن، جھیڑہ غاتا ایسر و بامعنی گپ وتران نا مون آدننگ اٹ زالبول سفارت کار آتا کڑد المی ءِ۔ دا ہیت ءِ او فرانس نا دارالحکومت پیرس اٹ زونٹا کلب انٹرنیشنل نا کنڈآن اڈ ہلوک آ کانفرنس ”ویمن ان گلوبل ڈپلومیسی“آن تران کرسا پارے، ہراٹی او مہمانِ خصوصی نا حیثیت اٹ بشخ ہلک ۔ کانفرنس اٹ پنی آ سفارت کار، تعلیم نا چاہندار، یونیورسٹی تا طالب علم و سول سوسائٹی نا نمائندہ غاتون اوار زند انا جتا جتا بشخ آتیان تعلق تخوک آ بندغ آک بشخ ہلکر۔ کانفرنس اٹ سفارت کاری و جہانی تعلقداریٹی زالبول آتا اہمیت ، کڑد و آخبت تون اوار اوار زیاتمتوازن جہانیطرز حکمرانی نا بابت اہم امور ءِ ہم مون آ تخنگا۔