پاکستان و آئی ایم ایف نا نیام اٹ ای ایف ایف و آر ایس ایف پروگرام آتا بابت اسٹاف لیول نا معاہدہ، ایگزیکٹو بورڈ انا منظوری آن پد ای ایف ایف نا پاکستان ءِ اسہ ارب ڈالر، آر ایس ایف نا رداٹ 210 ملین ڈالر نا مالی کمک دو بریک

اسلام آباد۔ 08 اکتوبر (اے پی پی)پاکستان و جہانی مالیاتی فنڈ (آئی ایم ایف) نا نیام اٹ 37 تُو انا توسیعی فنڈ سہولت و 28 تُو انا ریزلئینس اینڈ سسٹین ایبلٹی سہولت (آر ایس ایف) نا رداٹ پروگرام آتا بالترتیبچارمی و مسٹ می جاچ آ اسٹاف کہول نا معاہدہ مسنے، معاہدہ آئی ایم ایف نا ایگزیکٹو بورڈ انا منظوری تون مشروط ءِ، ایگزیکٹو بورڈ انا منظوری آن پد پاکستان ءِ توسیعی فنڈ سہولت نا رداٹ کم وود اسہ ارب ڈالر و آر ایس ایف نا رداٹ کم و ود 210 ملین ڈالر نا مالی کمک دو بریک۔ وزارت خزانہ نا رداٹ آئی ایم ایف نا توسیعی فنڈ سہولت نا چارمی و آر ایس ایف نا مسٹ می جاچ نا ایسر آ آئی ایم ایف نا مشن چیفآئیواپیٹرووا اسلام آباد اٹ بنجائی وزیر خزانہ و محصولات سینیٹر محمد اورنگزیب تون ایسری اوڑدہی کرے۔ اوڑدہی ٹی سیکرٹری خزانہ مسٹر امداد اللہ بوسال و آئی ایم ایف نا ریزیڈنٹ نمائندہ ماہر بنیشیئسک ہم ساڑی ئسر۔ جہانی مالیاتی فنڈ انا کنڈ آن جاریسرجم بیان نا رداٹ ایوا پیٹرووا نا کماشی ٹیجہانی مالیاتی فنڈ انا ٹیم 23 ستمبر آن 7 اکتوبر 2026 اسکان کراچی و اسلام آباد اٹ 2026 نا آرٹیکلIVسلابتی عمل، توسیعی فنڈ سہولت نا رداٹ چارمی جاچ و آر ایس ایف نا رداٹ مسٹمی جاچ نا بابت پاکستانی کمامدار آتا تون مذاکرات کرے۔ مذاکرات نا ایسر آ مشن نا سروک ایوا پیٹرووا پارے کہ آئی ایم ایف نا ٹیم پاکستان نا کمامدار آتون 37 تُو انا توسیعی فنڈ سہولت و 28 تُو انا ریزلئینس اینڈ سسٹین ایبلٹی سہولت (آر ایس ایف) نا رداٹ پروگرام آتا بالترتیب چارمی و مسٹمی جاچ آ اسٹاف کہول انا معاہدہ کرینے۔ دا معاہدہ آئی ایم ایف نا ایگزیکٹو بورڈ نا منظوری تون مشروط ءِ۔ او پارے کہ ایگزیکٹو بورڈ انا منظوری آن پد پاکستان ءِ توسیعی فنڈ سہولت نا رداٹ کم و ود اسہ ارب ڈالر و آر ایس ایف نا رداٹ کم و ود 210 ملین ڈالر نا مالی کمک دو بریکاوکان پد ہڑتوم آ پروگرام آتا رداٹ پاکستان ءِ ملوک آ جم کمک کم و ود 5.7 ارب ڈالر مریک۔