اسلام آباد۔ 26مئی (اے پی پی) چینی نائب صدر وانگ کی شن ءِ پاکستان نا غٹ آن بڑزکو سول ایوارڈ نشان پاکستان تننگا۔ نشان پاکستان نا دود یک شنبے نادے آ داڑے ایوان صدر اٹ اڈ ہلک۔ دود انا بنا قومی ترانہ، تلاوت کلام پاک آن کننگا۔ صدر مملکت اوکان پد پاک چین تعلقداری تا مون آ دننگ کن چینی نائب صدر ءِ نشان پاکستان نااعزاز اس تس۔ داوخت آ چیئرمین سینیٹ، بنجائی وزیر آک، سلہہ بند فوج انا بڑزکو آفیسر آک، قومی اسمبلی نا باسک آک، چینی ڈل انا باسک آک ہم ساڑی ئسر۔ چین نا نائب صدر پاکستان نادورہ غا بسنے۔ پاکستان اٹ اڈ کننگ اٹ او صدر، وزیراعظم و ایلو بڑزکو عہدیدار آتون اوڑدہی کیک۔
