اسلام آباد۔ 26مئی (اے پی پی) چین نا نائب صدر وام کی شن پاکستان آ سرمس۔ چینی نائب صدر نا یک شنبے نادے آ نور خان ایئر بیس آ پاکستان آ بننگ آ وزیر خارجہ شاہ محمود قریشی اودے بخیر کرے داوخت آ بنجائی وزیر ڈٹ بندی و شونداری مخدوم خسرو بختیار ہم ساڑی ئس۔ نور خان ایئر بیس آ سرمننگ آ چینی نائب صدر ءِ چنکا چنکا ہنین آ چناک پھل آتا گلدستہ ہم پیش کریر۔ دورہ ٹی چینی نائب صدر وام کی شن صدر مملکت ڈاکٹر عارف علوی و وزیراعظم عمران خان تون اوڑدہی آن بیدس چندی معاہدہ و مفاہمت نا یات داشت آتیا دستخط ہم کیک وخت اس کہ او چندی ڈٹ آتا بناءِ ہم کیک۔ چین نا نائب صدر نا دا دورہ پاکستان وچین نا نیام اٹ دیرینہ و وخت انا ہر آزمائش آ پورو سلوک آ دوستانہ تعلقداری تا درشان ءِ۔ چین نا نائب صدر نا دا دورہ غان ساڑی ہڑتوم آ کنڈآتا تعلقداریک پین سوگو مریرہ و چندی بشخ آتے ٹی ہڑتوم آ ملک آتا نیام اٹ ودوک آ کثیر الجہتی کمکاری ءِ پین سوگوی ملک۔
