اسلام آباد۔ 26مئی (اے پی پی) جموں و کشمیر پیپلز فریڈم لیگ انا چیئرمین محمد فاروق رحمانی پارینے کہ مقبوضہ کشمیر نا سنگین انگا حالیت آتے ٹی نہادی انسانی جان تے بچفنگ کن المی ءِ کہ اقوام متحدہ، پاکستان و بھارت اواری اٹ کاریم کیر ہراڑے تحریک آجوئی ءِ توننگ و ورناتا خون ءِ کننگ کن مون انگا کانود ءِ نافذ کننگا و بھارتی فورس آتے بے پناہ اختیارتننگانے۔ کشمیر میڈیا سروس نا رداٹ محمد فاروق رحمانی داہیت ءِ اسلام آباد اٹی جاری اسہ بیان اسے ٹی اقوام متحدہ نا سیکرٹری جنرل آن خواست کرسا پارے۔ اوپارے کہ پاکستان و بھارت نا نیام اٹ مذاکرات آ الس نا پت ءِ بحال کننگ کن پرامن چاگڑد اس جوڑ کننگ، مون انگا کانود و بھارتی فوجی تے تروک آ بے پناہ اختیار آتا چٹفنگ المی ءِ۔ اوپارے کہ بھارت کشمیر نا جھیڑہ ءِ فوجی واک اٹ ایسر کننگ نا کوشست کننگ ءِ۔ اوروچہ نا مبارک انگا تُو اٹی ہم الس نا برخلاف واک انا وحشیانہ کاریم اٹ اتنگ، شاری تا خون و ذاکر موسی نا شہیدی آن پد کرفیو و ایلو پابندی تے نافذ کننگ نا ترندی اٹ مذمت ءِ کرے۔
