سرگودھا۔ 26 مئی (اے پی پی) وزیراعظم عمران خان نا چندی ضلع غاتیا اناگت بننگ و بے پروٹوکول ادارہ غاتا چیکنگ آن گچینی بریک ہراڑان السی ویل آتے ایسر مننگ اٹ کمک رسینگک۔ داخیال آتا درشانی ءِ چیئرمین سرگودھا ڈویلپمنٹ اتھارٹی و سینئر راہشون پاکستان تحریک انصاف ممتاز اختر کاہلوں صحافی تتون گپ و تران کرساکرے۔ اوپارے کہ وزیراعظم عمران خان ملکی تاریخ اٹی اولیکو وار بے پروٹوکول آن اناگت ہسپتال نا دورہ ءِ کرسا ثابت کرینے کہ او حقی وڑاٹ ریاست مدینہ نا نظام ءِ رائج کننگ خواہک ہراڑے خلفائے راشدین ئسک ہم اناگت خلقت نا دادرسی کن ہنارہ۔ اوپارے کہ وزیر اعظم عمران خان نا بننگ آن انتظامیہ ہم بے خبر ئس اصل سرپرائز وزٹ ہندادے پارہ۔
