اسلام آباد۔ 26مئی (اے پی پی) سلاہکار خزانہ ڈاکٹر عبدالحفیظ شیخ ایف بی آر ءِ محصولات دوئی کننگ نا نظام ءِ پین آسان کننگ و خراج نا بنداو ءِ گیشتر کننگ ناپارت کرینے۔ اداپارت ءِ بروک آ مالی سال انا بجٹ نا بابت سلاہ تا جا چ ءِ ہلنگ کن اڈ ہلوک آ دیوان نا کماشی ءِ کرسا جاری کرے۔ فیڈرل بیورو آف ریونیو(ایف بی آر) نا چیئرمین شبیر زیدی بروک آ مالی سال انا بجٹ نا بابت سلاہ تا بابت پریزنٹیشن پیش کرے۔ اودیوان نا بشخ ہلوک آتے خراج نا بنداو ءِ گیشتر کننگ و ملک اکن محصولات آتے ٹی ودکی نا رداٹ چندی گام گیج آتا سلاہ پیش کرے۔ وزیراعظم نا سلاہکار ایف بی آر ءِ محصولات دوئی کننگ نا نظام ءِ پین آسان کننگ و خراج نا بنداو ءِ گیشتر کننگ نا پارت کرے۔ دیوان اٹی وزیراعظم نا سلاہکار واپار عبدالرزاق داؤد، وزیر مملکت محصولات حماد اظہر و وزارت خزانہ نا سینئر آفیسر آک ہم بشخ ہلکر۔
