اسلام آباد۔ 25مئی (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ عمران خان نا جہد پنجاب نا الس آ کیہی دہائی تیان مسلط استحصالی نظام و شخصیت پرستی ءِ چٹفے۔ ہفتہ نا دے آ راجی رابطہ نا ویب سائٹ ٹویٹر آ تینا اسہ کلہو اسے ٹی او پارے کہ پنجاب نا گروتھ سٹریٹجی 2023 ء وزیراعظم عمران خان نا ویژن و مشن نا اصول آتا کنڈآ اسہ اہم ءُ گام اسے۔ دا حکمت عملی نا رداٹ نیزگاری نا کہول اٹی کمتی، پدسلوک آ علاقہ غاتا شونداری، کشت وکشار آ پیش رفت، نیزگاری نا چٹفنگ، کنوئی ءُ ساف دیر انا فراوانی و تعلیم و جان جوڑی نا آسراتیک اوارو۔ اوپارے کہ مسکوہی وزیراعلیٰ پنجاب شہباز شریف بیرہ ٹی وی چینل آ سرخی و اخبار آتا اشتہار آتسکان محدود ئس۔ اوپارے کہ گروتھ سٹریٹجی 2023 ء نا رداٹ شونداری نا بھرمک مچ آ پنجاب نا خلقت اسکان سرمریرہ۔
