اسلام آباد۔ 25مئی (اے پی پی) بنجائی وزیر پٹرولیم عمر ایوب خان پارینے کہ پاکستان تحریک انصاف نا حکومت تیل و گیس انا پٹنگ، خننگ و پیدوار کن پوسکن ءُ پالیسی اسے نا پڑو ءِ بروک آ منہ تُو اٹی کیک۔ تینا اسہ انٹرویو اسے ٹی اوپارے کہ اینخو سال دسمبر اٹی 40 پوسکن آ دُون تا نیلامی نا بناءِ کننگ ءِ داڑان تیل و گیس انا بشخ اٹی سرجزآتے ٹی ودکی مریک۔ اوپارے کہ اینخو نا سال انا ایسر اٹی خلیفہ پوائنٹ ریفائنری پروجیکٹ آ کاریم نا بناہم مریک۔ دا ڈٹ آ 8 ارب ڈالر نا خڑچ بریک و دا پار کو و متحدہ عرب امارات نا اسیجا ڈٹ ءِ۔ دا ریفائنری ٹی ہردے 2لکھ 50 ہزار بیرل خام تیل ساف کننگ نا گنجائش مریک۔
