اسلام آباد۔ 25 مئی (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ دہائی تیان پنجاب نا الس آ مسلط استحصالی نظام و شخصیت پرستی نا چٹفنگ عمران خان جہد آ ممکن مس۔ ہفتہ نادے آ راجی رابطہ نا ویب سائٹ ٹوئٹر آ جاری کلہو اٹی او پارے کہ شہباز شریف نا کارکڑدگی ٹی وی ہیڈ لینز و اخبار آتا اشتہار آتسکان محدود ئس۔ ڈاکٹر فردوس عاشق اعوان پارے کہ گروتھ اسٹریٹجی 2023 آن شونداری نا بھرمک صوبہ نا ہر شاری اسکان سرمریرہ۔ گروتھ اسٹریٹجی 2023 وزیراعظم نا مشن و ویژن نا پوروی نا کنڈا اہم ءُ گام گیج اسے۔ اوپارے کہ صوبہ نا نیزگاری نا کہول ءِ کم کننگ، پدسلوک علاقہ، کشت و کشار نا شونداری، بے روزگاری نا چٹفنگ، کنوئی ءُ ساف دیر انا فراوانی تون اوار تعلیم و جان جوڑی نا بشخ آتے خصوصی چکار کننگک۔
