اسلام آباد۔ 24 مئی (اے پی پی) بنجاہی وزیر برائے کانود انصاف بیرسٹر فروغ نسیم ءَ گوشت کہ پاکستان جاپان ءَ گوں وتی سیادی ءَ را باز ارزشت دیگ انت ءُُ دمگ ءِ تہ ایشی ءِ ھاسیں اتحادی ءِ کرد ءَ ادا کت کن ایت۔خطہ ءِ تہ امن ءِ گپ ءُُ تران ءُُ کشمیر ءِ جیڈھ ءِ حل ءَ گوں ممکن بیت۔اے ھیالانی درشان آہاں جمعہ ءَ وزارت کانود ءُُ انساپ ءِ تہ جاپانی سفیر کنی نوری متسودہ ءِ گوما گند ءُُ نند ءِ تہ کتگ ات۔گند ءُُ نند ءِ تہ وت مہ وتی کمک ءِ معاملہانی سرا ھیال ریچی کتگ۔گند ءُُ نند ءِ تہ وزیر کانود ءَ گوشت کہ پاکستان خطہ ءِ تہ جاپان ءِ ھاسیں اتحادی ءِ کرد ادا کت کنا یت۔آہاں گوشت کہ پاکستانی راج جاپان ءُُ جاپانی ءَ را شرپ ءِ چماں چارگ انت۔دوئیں ملک ربیدگی وڈ ءِ سرا یک دومیگ ءِ باز نزیک انت۔ فروغ نسیم ءَ گوشت کہ پاکستان خطہ ءِ تہ ایمنی ءِ واھگدار انت ءُُ کشمیر ءِ جیڈھ ءَ را گپ ءُُ تران ءِ وسیلگ ءَ حل کنگ بیت۔اے موہ ءِ سرا جاپانی سفیر کنی نوری متسودہ ءَ گوشت کہ جاپانی لیبر مارکیٹ ءَ راپاکستانیانی ھاترا پچ کنگ ءِ واھگدارانت۔مہ باندات ءِ تہ پاکستان ءِ گوما ماہی گیری،تعلیم ءُُ تکنیکی ہیلکاری ءِ تک ءَ کمک کنگ لوٹگ انت۔آہاں گوشت کہ جاپان پاکستان ءُُ بھارت ءِ میان ءَ گہتر سیادی ءِ ھاترا کرد ادا کن ایت۔
