ایڈیلیڈ۔ 25جنوری (اے پی پی) پاکستان و آسٹریلیا نا کرکٹ ٹیم تا نیام اٹ پنچ اسہ دے ئی جہانی میچ آتا سیریز نا پنچ می و آخریکو میچ (اینو) پنچ شنبے آ اوول ، ایڈیلیڈ اٹی گوازی کننگک۔ میچ ڈے و نائٹ مریک وپاکستانی وخت انا رداٹ شام انا 8بجہ ئُ 20منٹ آ بناءکیک۔ آسٹریلیا ئِ پنچ میچ آتا سیریز اٹی پاکستان نا برخلاف 3-1نا فیصلہ کن برتری دوئی ئِ۔ آسٹریلیا اولیکو میچ اٹی پاکستان ئِ 92رنز اٹ شکست تس وخت اس کہ ارٹ میکومیچ اٹی پاکستان ٹیم شاندار کم بیک کرسا میزبان ٹیم ئِ 6وکٹ آتے اٹ کٹسا سیریز 1-1اٹ بریبر کرے۔ مسٹ میکو میچ اٹی آسٹریلیا دُوارہ پاکستان ٹیم ئِ 7وکٹ آتے اٹ کٹا وخت اس کہ چارمیکو میچ اٹی میزبان ٹیم پاکستان ئِ 85رنز اٹ شکست ترسا پنچ میچ آتا سیریز اٹی 3-1فیصلہ کن برتری دوئی کرینے۔ یات سلے کہ ہڑتوم آ ٹیم تا نیام اٹ سیریز نا پنچ می ون ڈے میچ 26جنوری آ ایڈیلیڈ اٹی گوازی کننگک۔
