ٹوکیو۔ 25جنوری (اے پی پی) جاپان نا کارساز کمپنی ٹویوٹا موٹرزکارپوریشن امریکہ ٹی 10 ارب ڈالر نا زرکاری کننگ، ہموڑے اڈ ہلوک تینا پلانٹ نا کاریم نا کچ ئِ ودفنگ و 400 پوسکن ئُ ملازمت ودی کننگ نا پڑو ئِ کرینے۔ ٹویوٹا پارینے کہ او امریکی ریاست انڈیاناٹی تینا پلانٹ نا کاریم نا کچ ئِ 17درسد اسکان ودفک ہراڑآ 600ملین ڈالر خڑچ بریک وخت اس کہ بروک آ پنچ سال اٹی ٹویوٹا امریکہ ٹی 10ارب ڈالر نا زرکاری کیک۔ ٹویوٹا دا پڑو ئِ ہندن ئُ وخت اسے ٹی کرینے وہراتم امریکی صدر ڈونلڈ ٹرمپ ٹویوٹا ئِ دھڑکوتسنے کہ اگہ او میکسیکو ٹی اڈ تروک تینا پلانٹ آتیان امریکہ ٹی گاڈی اتیک تو اودے 35درسد درآمدی خراج تروئی مریک۔ ٹویوٹا گدرینگوک آ سال امریکہ ٹی 1.4ملین گاڈی جوڑ کے۔ ٹویوٹا نا امریکہ ٹی 10کارخانہ ئُ ہرافتے ٹی سالانہ 4لکھ آن زیات گڈی جوڑ مریرہ و داکارخانہ غاتیٹی 5100امریکی تے ملازمت دوئی ئِ۔
