اسلام آباد۔یکم اپریل (اے پی پی) مزن وزیر عمران خان ءَ معیشت ءِ بازیں پڑاں قطر انویسٹمنٹ اتھارٹیءِ زرکاری کنگءِ واہگ ءَ را ساڑاتگءُ گشتگ کہ ملک ءَ سیلءُ سواد ، ہاؤسنگ ءُ دگہ پڑاں بیپاری موہ پدّر کتگ۔ آئیءَ اے گپ قطر انویسٹمنٹ اتھارٹیءِ ڈل ءَ گوں گپءُ تران کنانءَ کتگ کہ آہاں ریجنل پورٹ فولیوز ءِ سروک شیخ فیصل بن ثانی الثانی ءِ سروکی ءَ دوشمبے ءِ روچءَ مزن وزیر کارگس ءَ گندءُ نند کتگ۔ شیخ فیصل بن ثانی الثانی قطر انویسٹمنٹ ڈیپارٹمنٹ ءُ قطر ریجنل انویسٹمنٹ فنڈ ءِ سروک اِنت۔ قطری ڈل ءَ ہاؤسنگ ، سیلءُ سواد ، رئیل اسٹیٹ ءُ توانائی ءِ پڑءَ بازیں اداگانی سروک ہوار بوتگ اَنت۔ گندءُ نندءَ مزن وزیر بیپاری صلہ کار عبدالرزاق داؤد ءُ زرکاری بورڈ ءِ چیئرمین ہارون شریف ہم ساڑی بوتگ۔ ڈل ءَ ہاؤسنگ ، توانائی ، سیلءُ سواد ءُ ایئرمینجمنٹ ءِ پڑءَ ز رکاری کنگءِ واہگءِ درشانی کتگ۔ مزن وزیر ءَ زرکارءُ بیپاری براتی ءَ را آ سراتی دیئگءِ ھاترءَ انوگیں حکومتءِ نیمگءَ چہ چست کتگیں گامگیجءُ پالیسی آنی سرءَ چمشانک داتگ۔
