اسلام آباد۔یکم اپریل(اے پی پی) ملک ءِ صدر عارف علوی ءَ گشتگ کہ وتی اُلسءَ را زوت ءُ ارزانیں انصاف سرکنگ ریاست ءِ آئینی زمہ واری اِنت، حکومت اے زمہ واری ءَ پیلو کنگءِ ھاترءَ درائیں گامگیجاں کنگءَ اِنت۔ ملک ءِ صدر ءَ اے گپ دوشمبے ءِ روچءَ بنجاہی محتسب سید طاہر شہبازءَ گوں گندءُ نند کنانءَ کتگ ۔ بنجاہی محتسب ءَ ملک ءِ صدر ءَ را سال 2018ءِ رپورٹ ہم پیش کتگ۔ صدرءَ بنجاہی محتسب ءِ نیمگءَ چہ ازمت سرکنگءِ ھاترءَ جدید انفارمیشن ٹیکنالوجی ءِ کارمرز کنگءِ سرءَ زور پِر داتگ ءُ اے ہوالگءَ بنجاہی محتسب ءِ نیمگءَ چہ شکایت ءَ دور کنگءِ ھاترءَ موبائل ایپلیکیشن ءُ تنج جوڑ کنگ ءَ را ساڑاتگ۔ آئی ءَ بنجاہی وزیر محتسب ءَ را پنت ءُ شون کتگ کہ آ بازیں پرنٹ ، الیکٹرانک ءُ سوشل میڈیا ءِ وسیلگءَ چہ اُلسءَ را آسراتی بہ دنت۔ ملک ءِ صدرءَ اے ہوالگءَ پاکستان ٹیلی ویژن ءِ وسیلگءَ چہ مراگش کنگءِ ضلورت ءِ سرءَ زور پِر داتگ ۔ ملک ءِ صدر ءَ بنجاہی محتسب ءَ ر ا سرجمیں کمک ءِ اوست داتگ۔
