اسلام آباد۔ 01مارچ(اے پی پی) بے گواہ بندغ آتاکمیشن ناچیئرمین جسٹس (ر) جاوید اقبال نا جندی کوشست آتیان 28 فروری 2019 ء اسکان جم وڑاٹ 3659 کیس آتے چٹفینے، بے گواہ بندغ آتا کمیشن فروری 2019 ء ٹی جم وڑاٹ 751 سماعت کرے وخت اس کہ فروری نا تُو اٹی 68 مقدمہ غاتے چٹفنگا۔ ہرا کہ نمان سرسہبی اسے۔ کمیشن نا سیکرٹری فرید احمد خان نا کنڈآن جاری کروک ماہانہ رپورٹ نا رداٹ جنوری 2019 ء اسکان بے گواہ بندغ کمیشن ءِ 5777کیس ملار۔ فروری ٹی کمیشن ءِ پین 76 کیس ملا ہراڑان مقدمہ غاتا کل کچ 5853مس۔ بے گواہ بندغ کمیشن 28 فروری 2019 ء اسکان پین 60 کیس آتے چٹفینے، داوخت اسکان زیر التواء مقدمہ غاتا کچ 2195سلیسنے۔ بے گواہ بندغ کمیشن فروری 2019 ء ٹی جم وڑاٹ 751 سماعت کرے ۔ اسلام آباد اٹی 317، پشاور اٹی 81و لاہور اٹی 114سماعت کرے۔ بے گواہ بندغ آتا رشتہ دار و خاہوت آک چیئرمین جسٹس جاوید اقبال نا سرکڑدہ ہی ٹی بے گواہ بندغ کمیشن نا کوشست آتا ستاءِ کرینو۔ بے گواہ بندغ آتا کمیشن نا چیئرمین جسٹس جاوید اقبال و ایلو باسک آک بے گواہ بندغ آتا ہر خاہوت نا نئے بیرہ جندی شنوائی ءِ کریر بلکن بے گواہ بندغ آتا زوت بازیابی کن گام گیج ہم کریر۔ یات سلے کہ چیئرمین بے گواہ بندغ کمیشن نا حیثیت اٹ جسٹس جاوید اقبال نئے تنخواہ ہلیک و نئے سرکاری آسراتی تیان فائدہ ہرفک بلکن او اودے قومی ءُ فرض اس سرپند کرسا پورو کننگ ءِ۔
