اسلام آباد ۔ یکم مارچ(اے پی پی) سول ایوی ایشن اتھارٹی ءَ کراچی ،اسلام آباد ، پشاور ءُُ کوئٹہ ائیر پورٹ ءَ بالی آپریشن دووارگ بندات کتگ۔ سول ایوی ایشن اتھارٹی ءِ کارندہ آنی رد ءَ پاک بھارت کشاں چیل ءَ چہ پد دو روچ ءَ پیسر سی اے اے ءَ پاکستان ءِ بالی سیم سر ءُُ بالی پڑ آنی سر ءَ کمرشل بالیگ بندش جتگ بوتگ اَنت۔ آدینگ ءِ روچ ءَ یک کلاک ءَ تاں مھتل دارگ بوتگ انت۔ اے بابت ءَ پاکستان انٹرنیشنل ائیرلائن (پی آئی اے) ءَ ھم وتی وتی بالیگ آنی شیڈول بیگاہ ءِ 6بج ءَ برجا کتگ ءُُ مساپر آناں ٹیلی فون کنان ءَ اے بابت ءَ سرپد کنگ بوتگ ۔ سعودی ائیر لائن ءَ ھم اے ٹوک ءَ را پکو کتگ کہ آئی ءِ پاکستان ءِ واستہ اولی بالیگ بیگاہ ءِ 6بج ءَ کراچی ءَ پج ایت۔ ترجمان سول ایوی ایشن اتھارٹی ءِ رد ءَ چاریں ائیر پورٹس کمرشل بالی آنی واستہ 6بج ءَ آپریشنل بنت، پدا ھم ترجمان ءَ گوشتگ کہ لاہور، سیالکوٹ، فیصل آباد ءُُ ملتان ءَ ھوار ایندگر ائیر پورٹ آناں پچ کنگ ءِ پیسلہ رند ءَ کنگ بیت۔
