اسلام آباد۔30جون (اے پی پی): توانائی ءِ وفاقی وزیر اویس خان لغاری ءَ بجلی ءِ بل ءَ چہ صوبائی “بجلی ڈیوٹی” ءِ ھلاس کنگ ءِ پیسلہ ءِ ھوالگ ءَ درستیں سر وزیر آناں نمدی دیم داتگ۔ دو شمبے ءِ روچ ءَ وزارت بجلی ڈویژن ءِ نیمگ ءَ چہ جاڑی بوتگیں بیان ءِ رد ءَ وفاقی وزیر ءَ نمدی ءِ تہ ءَ گوشت کہ جولائی 2025ءَ چہ بجلی ءِ بل آنی وسیلگ ءَ صوبائی ” الیکٹریسٹی ڈیوٹی “ ءِ جم کنگ بند بیت۔آ بجلی ءِ بل آنی تہ ءَ ٹیکس آنی بار ءَ را کم کنگ لوٹ ایت۔ صارفین بلانی تہا بازیں چارجز ءُ ڈیوٹیانی سبب ءَ الجھن ءَ انت۔ نمدی ءِ تہ ءَ وفاقی وزیر ءَ بجلی ءِ شرح ءَ را کم کنگ ءِ واستہ حکومت ءِ گامگیج آنی سر ءَ ھم چمشانک داتگ۔ نمدی ءِ تہ ءَ آئی پی پزار ءِ معاہدہ آنی چار ءُ تپاسی ءُ سرکاری بجلی گس آنی ROE ءِ کم کنگ ءِ سر ءَ کار ءِ برجاہ دارگ ءِ ھم ذکر کنگ بوتگ۔ آئی ءَ گوشت کہ بل آنی تہ ءَ ایوک ءَ بجلی ءِ اصل ھرچ ءُ درچ ءِ درشان کنگ بہ بیت، چیا کہ مئے مول ءُ مراد ایش اِنت کہ صوبہ چہ متبادل وسیلگ آنی تہ ءَ ڈیوٹی ءِ جم کنگ ءِ راہ آنی سوج ءَ بہ کن اَنت۔ وزیر توانائی ءَ گشتگ کہ صارف ایوک ءَ بجلی ءِ ھرچ ءُ درچ ءَ بہ دنت، ءُ آ گیشیں ھرچ ءُ درچ ءَ را ھلاس کنگ لوٹ ایت۔
